SAMTÖK TÓNLISTARRÉTTHAFA | ICELANDIC MUSIC ASSOCIATION

Um samtón

Tilgangur Samtóns er að vinna að sameiginlegum hagsmunum og styrkja stöðu höfunda, flytjenda, framleiðenda og annarra rétthafa að tónlist. Samtónn kemur fram sameiginlega fyrir hönd íslenskra rétthafa að tónlist.

Samtónn vinnur að vernd og varðveislu tónlistar og réttinda sem henni tengjast, og leitar tækifæra til að efla og skapa sóknarfæri til handa rétthöfum tónlistar innanlands sem utan.

Með stofnun Samtóns var stigið stórt skref í sameiginlegum réttindamálum með því að sameina krafta höfunda, flytjenda og framleiðenda. Tilgangurinn var að auka hagkvæmni og áhrif í sameiginlegum málefnum rétthafa að tónlist. Í stefnumótun Samtóns sem samþykkt var árið 2003 voru ýmis verkefni sett í forgang. Þau helstu voru þessi:

1. Lög um tónlistarsjóð - útrásarsjóður (lög samþykkt árið 2004)
2.
Bygging tónlistarhúss - (húsið opnaði árið 2011)
3.
Ferðasjóður tónlistarmanna -Loftbrúin (hófst árið 2003)
4.
Stafrænn grunnur tónlistar - (tilbúinn grunnur með yfir 50 þúsund lögum) 
5.
Bætt markaðssetning erlendis - (stofnun Útóns árið 2006)
6.
Styrking norræns samstarfs - (stofnun norræns samstarfs, NOMEX árið 2010)
7.
Fé til stuðnings íslenskrar tónlistar úr einkageiranum.
8.
Útgáfa rits um hagrænt gildi tónlistar. (kom út árið 2004 eftir Ágúst Einarsson)
9.
Átak gegn ólöglegum notum tónlistar á netinu. (samstarfsvettvangur rétthafa stofnaður)
10.
Lækkun virðisaukaskatts (lækkaði af geisladiskum úr 24,5% í 7% árið 2006 og úr 25,5% í 7% af starfrænni tónlist árið 2011).

Af þessari upptalningu sést að Samtónn hefur frá stofnun náð mörkum merkum áföngum til hagsbóta bæði fyrir tónlistarrétthafana sjálfa og neytendur tónlistar. 

Samtónn hefur árlega staðið fyrir Degi íslenskrar tónlistar, veitir Íslensku tónlistarverðlaunin og annast hagsmungæslu tónlistarrrétthafa gagnvart höfundaréttarbrotum.